IcelandSIF stendur fyrir hádegisfundi sem haldinn verður fimmtudaginn 21. mars kl. 12:00 á Teams. Til umfjöllunar verður CSRD-tilskipun ESB sem til stendur að innleiða á Íslandi á næstu misserum, með áherslu á áhrif tilskipunarinnar á fjárfesta og fjármálafyrirtæki. Gert er ráð fyrir að fundurinn standi í um klukkutíma.
Erindi fundarins verða eftirfarandi:
Alexander Berg, sjálfbærnisérfræðingur hjá Nordea Life & Pension mun veita innsýn í CSRD innan úr alþjóðlegu fjármálafyrirtæki sem er í fremstu röð þegar kemur að sjálfbærni og sjálfbærum fjárfestingum.
Hlédís Sigurðardóttir, sjálfbærnistjóri Arion banka, segir frá ferli bankans við innleiðingu á CSRD og hvernig tilskipunin horfir við stóru fjármálafyrirtæki.
Bergþóra Hlíðkvist Skúladóttir, sjálfbærnistjóri Össurar, fjallar um áhrif tilskipunarinnar á skráð rekstrarfélag á borð við Össur og þau tækifæri sem CSRD hefur í för með sér fyrir félagið.
Bjarni Herrera, stofnandi og forstjóri Accrona, ætlar að segja frá CSRD í stærra samhengi, samspili tilskipunarinnar við regluverk sjálfbærra fjármála og áhrifum hennar fram á veginn.
Að fundi loknum gefst gestum kostur á að spyrja spurninga.
Fundurinn er opinn fyrir aðildarfélög IcelandSIF. Hægt er að skrá sig á fundinn með því að smella hér.