Aðalfundur IcelandSIF

Aðalfundarboð

Tillögur fyrir aðalfund 25. maí 2022 - dags. 11. maí 2022

Reykjavík, 27. apríl 2022

Stjórn IcelandSIF, kt. 461217-1330, Smáratorgi 3, 200 Kópavogi, boðar hér með til aðalfundar félagsins fyrir árið 2021.

Fundurinn verður haldinn í höfuðstöðvum Arion banka, Borgartúni 19, 105 Reykjavík, miðvikudaginn 25. maí og hefst kl. 16:00.

Dagskrá aðalfundar er sem hér segir, sbr. 5. gr. samþykkta félagsins:

1. Kosning fundarstjóra
2. Skýrsla stjórnar lögð fram
3. Reikningar lagðir fram til samþykktar
4. Fjárhagsáætlun fyrir næsta starfsár
5. Ákvörðun um þóknun stjórnarmanna
   1. Tillaga um að ekki verði greidd stjórnarlaun
6. Kosning stjórnar
7. Kosning endurskoðanda/skoðunarmanns
   1. Tillaga er um að Deloitte ehf., kt. 521098-2449, verði kjörið endurskoðandi félagsins
8. Ákvörðun félagsgjalds
   1. Tillaga er um að félagsgjald verði óbreytt
9. Tillögur að breytingum á samþykktum, ef þær liggja fyrir
10. Önnur mál

Tillögur sem félagsaðilar vilja leggja fyrir fundinn þurfa að berast í tölvupósti á netfangið icelandsif@icelandsif.is eða með öðrum skriflegum hætti til stjórnar félagsins, í síðasta lagi kl. 9:00 miðvikudaginn 4. maí.

Tilkynningar um framboð til stjórnar þurfa að berast í tölvupósti á netfangið icelandsif@icelandsif.is eða með öðrum skriflegum hætti til stjórnar félagsins, í síðasta lagi kl. 16:00 miðvikudaginn 18. maí.

Endanleg dagskrá og fram komnar tillögur munu liggja fyrir á skrifstofu félagsins eigi síðar en tveimur vikum fyrir aðalfund.

Að loknum hefðbundnum aðalfundarstörfum verður boðið upp á léttar veitingar í húsakynnum Arion banka.

Virðingarfyllst,

f.h. stjórnar IcelandSIF

Kristbjörg M. Kristinsdóttir

Stjórnarformaður