IcelandSIF stendur fyrir hádegisfundi sem haldinn verður fyrir starfsfólk aðildarfélaga mánudaginn 11. desember kl. 12:00 á Teams. Til umfjöllunar eru upplýsingaskyldur fjármálafyrirtækja, einkum á grundvelli 8. gr. flokkunarreglugerðar ESB (e. EU Taxonomy) sem tók gildi þann 1. júní sl. Markmið fundarins er að veita gestum gagnlega innsýn í regluverkið og þær upplýsingar sem fjármálafyrirtækjum er nú gert að birta í ársreikningum sínum. Gert er ráð fyrir að fundurinn standi í um klukkutíma.
Erindi halda:
- Jonathan Krakow, yfirmaður sjálfbærniteymis Deloitte í Noregi.
- Halldór I. Pálsson, umsjónarmaður með ársreikningaskrá.
- Ben Leblique, sérfræðingur í stefnugreiningu ESB hjá UN PRI.
- Shalini Sewradj, sérfræðingur í sjálfbærnistefnumótun hjá ABN AMRO Bank.
Að fundi loknum gefst gestum kostur á að spyrja spurninga.
Fundarboð með hlekk á viðburðinn verður sendur í tölvupósti á skráða aðila, daginn fyrir fundinn.
kl. 12:00 4/12/2023
kl. 12:00 11/12/2023