Fréttalisti

IcelandSIF hélt morgunfund (fjarfund) um blá skuldabréf þann 12. nóvember 2021. Fundurinn var vel sóttur af félagsmönnum IcelandSIF og um 120 manns tengdust inn á fundinn.

IcelandSIF stendur fyrir fjarfundi um blá skuldabréf föstudaginn 12. nóvember klukkan 09:00-10:00. Blá skuldabréf hafa birst fjárfestum í auknum mæli undanfarin tvö ár og er áhersluatriði þeirra nýting fjármuna í verkefni tengd verndun sjávar. Blá skuldabréf hafa komið inná markaðinn sem angi af grænum skuldabréfum og má segja að umfang útgáfu þeirra sé álíka mikið og græn skuldabréf voru fyrir um áratug síðan. Seychelles eyjar, Bank of China, NIB og Brim eru dæmi um útgefendur sem hafa gefið út slík skuldabréf.

IcelandSIF hélt fjarfund þann 8. september 2021 í samstarfi við Guidehouse og Morgan Stanley, um óbein umhverfisáhrif fjármálafyrirtækja í gegnum fjárfestingar og útlán. Fundurinn var vel sóttur af félagsmönnum IcelandSIF og hátt í 100 manns tengdust inn á fundinn.

Ný stjórn IcelandSIF var kjörin á aðalfundi samtakanna sem fram fór í höfuðstöðvum Arion banka, Borgartúni, þann 20. maí.

Stjórn IcelandSIF bendir félagsmönnum á að aðalfundur IcelandSIF verður haldinn fimmtudaginn 20. maí nk., að loknum hefðbundnum fundarstörfum mun Katrín Jakobsdóttir forsætisráðherra ávarpa fundargesti og fjalla um áherslur og markmið ríkisstjórnar Íslands í umhverfis- og loftslagsmálum.

IcelandSIF hélt morgunfund (fjarfund) um sjálfbærar fjármálaafurðir þann 18. mars 2021. Fundurinn var vel sóttur og um 100 manns skráðu sig á fundinn. Um er að ræða fimmta viðburð IcelandSIF veturinn 2020-2021 og hafa allir viðburðirnir verið fjarfundir, í ljósi aðstæðna.

IcelandSIF býður félagsmönnum á rafrænan morgunfund fimmtudaginn 18. mars n.k. þar sem fjallað verður um sjálfbærar fjármálaafurðir. Fundurinn, sem stendur yfir frá kl. 9:00-10:00, verður haldinn á TEAMS og hlekkur sendur í tölvupósti á skráða aðila daginn fyrir fund.

IcelandSIF stóð fyrir morgunfundi um PRI skýrslugjöf 2021 þriðjudaginn 2. mars. Kristbjörg M. Kristjánsdóttir opnaði fundinn fyrir hönd IcelandSIF og kynnti Yuliu Sofronova sem er Co-Head of Nordic, CEE & CIS, Signatory Relations hjá Principles for Responsible Investment (PRI).

IcelandSIF býður aðildarfélögum á morgunfund (fjarfund) 2. mars frá kl. 9:00-10:00 þar sem fjallað verður um PRI (Principles for Responsible Investment) skýrslugjöf 2021.

IcelandSIF vill vekja athygli félagsmanna á rafrænum fundi sem haldinn verður þriðjudaginn 2. febrúar kl. 9:00 þar sem kynnt verður 6. útgáfa leiðbeininga um góða stjórnarhætti fyrirtækja.