Stefna IcelandSIF

Stjórn IcelandSIF fór í ítarlega stefnumótunarvinnu árið 2025 þar sem fyrri stefna samtakanna fyrir árin 2022-2025 var endurskoðuð. Stjórnin fór yfir starf samtakanna og í hugmyndavinnu fyrir áherslur og verkefni komandi ára.

Niðurstaðan var ný stefna IcelandSIF til næstu fjögurra ára. Stefnan felur í sér þá framtíðarsýn að það verði til staðar upplýst og fagleg umræða um ábyrgar og sjálfbærar fjárfestingar á Íslandi, en tilgangur samtakanna er að efla þekkingu félagsaðila á og auka umræðu um aðferðafræði sjálfbærra og ábyrgra fjárfestinga.

Gildi IcelandSIF sem komu út úr stefnumótunarvinnunni eru samvinna, fagmennska og framsýni, þegar kemur að því að framkvæma tilgang og framtíðarsýn samtakanna þá verða áherslur samtakanna þær sömu og í fyrri stefnu þ.e. fræðsla, samskipti og virk þátttaka.

IcelandSIF leggur áherslu á að veita aðildarfélögum sínum hnitmiðaða og gagnlega fræðslu og á sama tíma að miðla efni og hvetja til umræðu og góðra samskipta. Þá leggja samtökin áherslu á að hvetja til virkrar þátttöku aðildarfélaga og auka samstarf við hagsmunaaðila um aðferðafræði sjálfbærra fjárfestinga.

Uppfært í júní 2026.