Fréttalisti

Á morgunfundi IcelandSIF þann 28. apríl 2022 kl. 9:00 – 10:00 sem haldinn verður á Teams verður fjallað um orkumál, orkuskort og áhrif af stríðsátökum í Austur-Evrópu á orkuskiptin og þróun yfir í sjálfbæra orkugjafa.

IcelandSIF hefur nú opnað fyrir skráningu á ráðstefnuna NordicSIF 2022 í Hörpu þann 15. og 16. júní. Ráðstefnan er aðeins opin starfsmönnum aðildarfélaga IcelandSIF og verður einnig að hluta í streymi.

Dr. Helga Kristín Auðunsdóttir flutti erindi sitt sem fjallaði um íhlutun hluthafa vegna UFS en það byggir á doktorsverkefni sem hún lauk frá Fordham University í New York ríki í Bandaríkjunum, þann 3. september árið 2021. Helga Kristín beindi í sínu verkefni augum að vogunarsjóðum og hvernig þeir hafa nýtt sér UFS og endurskipulagningu fyrirtækja undir merkjum þess til að ná fram markmiðum sínum um ávöxtun.

Á morgunfundi þann 9. febrúar kl. 9:00 sem haldinn verður á Teams, mun Dr. Helga Kristín Auðunsdóttir fara yfir íhlutun hluthafa vegna UFS byggt á doktorsverkefni sínu sem hún lauk frá Fordham University í New York ríki í Bandaríkjunum, þann 3. september árið 2021.

IcelandSIF hélt morgunfund (fjarfund) um sjálfbæran fjármögnunarramma ríkisins þann 26. janúar 2022. Fundurinn var vel sóttur af félagsmönnum IcelandSIF og um 90 manns tengdust inn á fundinn. Sjálfbær fjármögnunarrammi íslenska ríkisins, sem kynntur var í september 2021, hlaut nýverið dökkgræna einkunn hjá CICERO Shades of Green, sem er alþjóðlega viðurkenndur og sjálfstæður vottunaraðili.

Á morgunfundi þann 26. janúar kl. 9:00 sem haldinn verður á Teams, mun Bjarni Benediktsson, fjármála- og efnahagsráðherra ávarpa fund IcelandSIF og kynna sjálfbæran fjármögnunarramma ríkisins, ásamt Esther Finnbogadóttur, sérfræðing á skrifstofu stjórnunar og umbóta.

Kristbjörg M. Kristinsdóttir, stjórnarformaður IcelandSIF, ritaði grein um þróun ábyrgra fjárfestinga og tækifærin í félagslega þættinum sem birtist í jólablaði Vísbendingar.

IcelandSIF hélt fjarfund í samstarfi Háskóla Íslands um kynningu á MSc ritgerðum þann 18. nóvember 2021. Erindi fluttu Þröstur Olaf Sigurjónsson, prófessor við Viðskiptafræðideild Háskóla Íslands, María Ásdís Stefánsdóttir Berndsen MSc frá Háskóla Íslands, Ingi Poulsen MSc frá Háskóla Íslands febrúar 2022, Björg Jónsdóttir MSc frá Háskóla Íslands 2021 og Jóhann Viðar Halldórsson, MSc frá Háskóla Íslands febrúar 2022

IcelandSIF hélt morgunfund (fjarfund) um blá skuldabréf þann 12. nóvember 2021. Fundurinn var vel sóttur af félagsmönnum IcelandSIF og um 120 manns tengdust inn á fundinn.

IcelandSIF stendur fyrir fjarfundi um blá skuldabréf föstudaginn 12. nóvember klukkan 09:00-10:00. Blá skuldabréf hafa birst fjárfestum í auknum mæli undanfarin tvö ár og er áhersluatriði þeirra nýting fjármuna í verkefni tengd verndun sjávar. Blá skuldabréf hafa komið inná markaðinn sem angi af grænum skuldabréfum og má segja að umfang útgáfu þeirra sé álíka mikið og græn skuldabréf voru fyrir um áratug síðan. Seychelles eyjar, Bank of China, NIB og Brim eru dæmi um útgefendur sem hafa gefið út slík skuldabréf.