Omnibus
Nýjustu vendingar
Þessi síða var síðast uppfærð í desember 2025
Í febrúar 2025 lagði framkvæmdastjórn ESB fram svokallaða Omnibus tillögu sem felur í sér víðtækar breytingar á sjálfbærniregluverki sambandsins, þar á meðal CSRD, flokkunarreglugerðinni (EU Taxonomy) og CSDDD. Markmiðið samkvæmt ESB er að draga úr stjórnsýslubyrði fyrirtækja, einfalda upplýsingagjöf og gera regluverkið aðgengilegra fyrir fyrirtæki. Tillagan hefur vakið töluverða umræðu innan Evrópuþingsins og -ráðsins, þar sem sumir telja að breytingarnar gangi of skammt, á meðan aðrir fagna auknu svigrúmi. Ljóst er að sjálfbærniregluverk ESB verður ekki jafn umfangsmikið og lagt var upp með í fyrstu, með tilliti til þeirra fyrirtækja sem falla þar undir.
Þriðjudaginn 9. desember náðu framkvæmdastjórn ESB, Evrópuþingið og ráðherrarráðið samkomulagi um þennan fyrsta Omnibus pakka. Samkomulagið léttir á skýrsluskyldu og dregur úr áhrifum á smærri fyrirtæki í tengslum við CSRD- og CSDDD-tilskipanirnar.
IcelandSIF hefur tekið saman það helsta er varðar Omnibus og tillögurnar sem kynntar voru nú á dögunum hjá ESB.
