Í febrúar 2025 lagði framkvæmdastjórn ESB fram Omnibus-tillögu sem felur í sér umfangsmiklar breytingar á lykilstoðum sjálfbærniregluverksins, þar á meðal CSRD, flokkunarreglugerðinni (EU Taxonomy) og CSDDD. Markmiðið er að einfalda kröfur, draga úr stjórnsýslubyrði og gera regluverkið aðgengilegra fyrir fyrirtæki — í ljósi þeirra áskorana sem komið hafa í ljós við innleiðingu fyrstu útgáfunnar. Tillagan hefur þó vakið töluverðar umræður innan Evrópuþingsins og ráðsins, þar sem sjónarmiðin skiptast í að breytingarnar gangi of skammt eða veiti nauðsynlegt svigrúm.
Á sama tíma hefur ESB birt drög að endurskoðun á SFDR, þar sem horft er til reynslunnar síðustu ára og þess hvernig regluverkið þarf að þróast til að veita skýrari, gagnsærri og raunhæfari rammi um sjálfbærar fjármálavörur. IcelandSIF hefur tekið saman helstu atriði sem nú eru í farvatninu og munu móta áframhaldandi þróun sjálfbærniregluverks ESB.