Hlutverk og ábyrgð Íslands í loftslagsmálum

IcelandSIF stendur fyrir viðburði 11. desember næstkomandi í Landsbankanum Reykjastræti 6 frá kl. 9:00. Húsið opnar kl. 8:30 þar sem boðið verður upp á kaffi og léttar veitingar. Umfjöllunarefni fundarins verður hlutverk og ábyrgð stjórnvalda við að styðja við flæði fjármagns til loftslagsaðgerða.

Á fundinum verða erindi frá eftirfarandi aðilum:

• Ingi Poulsen sérfræðingur í umhverfisrétti, loftslagsrétti, sjálfbærnirétti og stjórnsýslurétti og stundar doktorsrannsóknir á sviði sjálfbærniréttar við Háskólann í Reykjavík. Ingi mun fjalla um lagalega ábyrgð ríkja við að tryggja að loftslagsaðgerðir séu fjármagnaðar.
• Jóhann Páll Jóhannsson umhverfis-, orku- og loftslagsmálaráðherra, mun vera með erindi um hvernig ríkisstjórnin styður og hyggst styðja við fjármögnun loftslagsaðgerða.

Að loknum erindum verða pallborðsumræður þar sem Hreiðar Bjarnason, framkvæmdastjóri Fjármála hjá Landsbankanum, Kristín Jóna Kristjánsdóttir, sjóðstjóri hjá Birtu Lífeyrissjóði og Marta Hermannsdóttir, fjárfestingastjóri hjá ReykVC, munu ræða hvernig stjórnvöld geta liðkað fyrir fjármögnun loftslagsaðgerða í einkageiranum og hvernig hægt sé að styðja enn frekar við flæði fjármagns til fjárfestinga vegna loftslagsaðgerða stjórnvalda.

Fundurinn er opinn aðildarfélögum IcelandSIF.